14 tímar í Líffærafræðipróf!!!

Það er með ólíkindum hvað ég er lítið eða bara ekkert stressuð fyrir þessi próf, held að ég hafi bara tekið þetta út í síðasta mánuði! Ætti nú að vera stressuð fyrir þetta próf, finnst ég ekki muna neitt sem ég les og allt í einni súpu! Ohh well það fer eins og það fer, ég geri mitt besta! Í dag hef ég orðið vitni að kraftaverki! Ég er ekki búin að kveikja á sjónvarpinu né útvarpinu í allan dag!! Það hefur ekki gerst í langan tíma, svona tek ég nú þessi próf alvarlega! Reyndar er ég þó búin að tala nokkuð mikið í símann í dag! Þurfti að fá útrás því ég talaði nottla ekkert í gær!!
Skil ekki hvað fólk er að standa í því að halda fyrir mér vöku kl 1 í nótt með því að fljúga einhverri flugvél hérna fyrir ofan húsið mitt og síðan heyrðist mér einhverjir vera í spyrnu eða þá allavega að keyra mjööög hratt, mjööög mörgum sinnum! Og ég sem hélt að ég ætti heima í rólegasta hluta bæjarins! Síðan þegar ég vaknaði í morgun var það mest pirrandi vélahljóð ever, svona bank bank bank bank endalaust alveg til 4 í dag!! Verst að ég er ekkert svo góð í að nota eyrnatappa því þá finnst mér ég heyra svo mikið í heilanum á mér, fæ svo mikla klígju af því!!

Dúnna á leiðinni í próf dauðans nr. 2....