Dudduru...

Jæja nú nenni ég þessari síðu ekki lengur, ætla að prófa 123.is

Nýja síðan mín:

http://www.123.is/dunna

$%&%&/&(&(%&/#$%$"!

Kræst stundum hata ég Reykjavík og að búa hérna lengst útí rassgati!! Ég var klukkutíma á leiðinni í skólann í dag í þessari ljótu traffík og kom þar af leiðandi 45 min of seint í tíma og var vinsamlegast bara beðin um að mæta í næsta tíma!! Þar sem þetta var verklegur tími og ég varð að mæta í hann þá beið ég bara eftir því! Auk þess sem ég þarf endilega að vera veik akkurat núna! Horið lekur úr nefinu og ég bara alveg ónýt, helvítis flensur! Ligg bara uppí rúmi núna og ekkert í sjónvarpinu nema Turtles!
Veit að ég hef ekkert verið dugleg við að blogga undanfarið, bara nenni því ekki, og hef heldur ekkert merkilegt að segja svo sem!
Skólinn er frábær, þó að ég sé nú ekki enn byrjuð að glugga í bækurnar og stelpurnar eru æðislegar :) Fór í vísindaferð á föstudaginn og kynntist fullt af skemmtilegu fólki ;) Síðan skelltum við Alma elegance okkur á Humarhúsið á laugardaginn og fengum okkur besta humar í heimi og Cosmo með þannig að við vorum alveg ótrúlega flottar á því og í glamúrfíling ;) Takk fyrir kvöldið Alma ;)
Jæja ég hef ekki orku í meira í bili, verð víst að halda þá bara áfram að horfa á Turtles, úje!

Dúnna sem vorkennir sjálfri sér ægilega mikið í dag....

JIBBÍ!!!!!!!

Jæja nú er þessi langa og leiðinlega bið loks á enda! ÉSSSSSS ég komst inn :) Ég er svo hamingjusöm að ég bara get ekki lýst því sko, skalf alveg á beinunum þegar ég var að kíkja á þetta í dag!!! Eins gott að ég þurfi aldrei að þreyta klásus aftur úff! Það myndi ég ekki leggja á mig aftur!
Hmm já annars er ég búin að vera eitthvað svo ægilega löt að blogga, kom heim á Ísafjörð 29. desember og er hér enn, veðurteppt reyndar!! Vona nú að ég komist í borgina á morgun því að stelpan á víst að mæta í vinnu annað kvöld! En ég er ekki mjög bjartsýn þar sem spáð er brjáluðu veðri á morgun :/
Bara búin að slappa af og hafa það gott, hanga í náttfötunum allan daginn og lesa bækur upp í rúmi, sældarlíf :) Síðan er maður auðvitað búin að heimsækja vinkonurnar og það er nottla alltaf jafn æðislegt!
Skólinn byrjar á miðvikudaginn þannig að ég vona nú að það verði flogið fyrir þann tíma! Annars bara hafið það gott því ég er svo HAMINGJUSÖM :) :) :)

Dúnna glaða - stuck in Ísafjörður!!

Gleðileg jól

Ég vil óska öllum vinum og vandamönnum gleðilegra jóla og kærar þakkir fyrir liðnar stundir. Ég sá mér því miður ekki fært að senda jólakort í ár en þakka kærlega fyrir þau sem ég er búin að fá :)
Ég er núna stödd í vinnunni á Eir og ætla að verja jólunum með gamla fólkinu og hafa það kósí. Vonandi hafið þið það sem best yfir hátíðarnar ;)

Jólakveðja,

Dúnna

Ein og yfirgefin...

Æji já ég vorkenni sjálfri mér eitthvað svo ægilega akkurat þessa stundina. Ég er svo ótrúlega einmanna, hef ekkert að gera. Allir sem ég þekki farnir til Ísafjarðar og enginn til að leika við. Búin að vera að skoða barnalandssíður í allt kvöld og láta mig dreyma um framtíðina! Komin með ógeð á sjónvarpinu og rúminu, vildi að ég kynni að prjóna!
Vinna og vinna framundan, ekki mikil jól hjá mér! Get ekki beðið eftir að komast heim um áramótin og slappa af! Annars er maður svo ægilega annars hugar eitthvað! Dreymdi að ég hefði fallið á öllum klásusprófunum og vaknaði upp hálfgrátandi!! Held að maður verði ekkert rólegur fyrren þetta er komið á hreint!

Dúnna dapra...

Vinna og sofa

Já það er svona það helsta sem ég hef gert undanfarna daga! Sofa úr mér prófslenið og svo er maður byrjaður í fullri vinnu. Hef ekki nennt að skreyta ennþá, né þrífa, en ég sé fram á að það verði gert á morgun þar sem ég er í fríi!
Mamma og Edith voru hér um helgina og höfðum við það kósí þrátt fyrir að ég hafi verið mjög þreytt! Fengum okkur gott að borða, fórum á King Kong í bíó, klassamynd þar á ferð og svo fékk ég í jólagjöf geggjaðslega geðveik stígvél! Nú verð ég algjör gella sko ;)
Hmm...það er víst djamm á morgun, ball með Sálinni, mig langar geðveikt að fara, en ég nenni engan veginn að fara ein...
Jæja...best að halda áfram að glápa á tv...

Ciao

Eintóm hamingja og massa spennufall...

Vá ég get ekki lýst því hvað það er gott að vera búin í þessum prófum, úff!! Er samt eiginlega ekki búin að fatta það ennþá. Kom heim úr prófinu og lagði mig því ég hafði ekkert sofið um nóttina, svaf smá og fór síðan í Smáralind með mömmu og Edith þangað til ég lognaðist gjörsamlega útaf! Lá 3 tíma í rúminu án þess að sofna, samt er ég alveg viðbjóðslega þreytt! Núna hef ég gefist upp á því að reyna að sofna en kannski reyni ég aftur eftir smá stund. Bara einhver spenna í mér held ég eða bara ofþreyta!
Sálfræðiprófið gekk bara vel þannig að allt í gúddí með það!! Nú er bara að bíða með hnút í maganum til 10.janúar!!

Dúnna, búin í prófum...